|
SA 'kan gemerk word oor nie-uitlewering'
|
| Hierdie is 'n uittreksel uit
'n artikel geskryf deur Philip de Bruin en wat verskyn het in die Beeld
van 12 Mei 2004 |
| |
| Suid-Afrika loop die gevaar om gebrandmerk te
word as 'n land wat nie sy internasionale pligte nakom nie as voortgegaan
word met die weiering om 'n veroordeelde Kanadese kindermolesteerder uit
te lewer. |
| So sê adv. Rodney de Kock, SC, direkteur van
openbare vervolging in die Wes-Kaap, in 'n beëdigde verklaring wat gister
by die konstitusionele hof ingedien is. |
| De Kock doen aansoek om appèl na die hof nadat
die Kaapse Hooggeregshof Trever Robinson vrygelaat het ondanks 'n Kanadese
aansoek om uitlewering. Robinson het in 1996 uit Kanada na Kaapstad gevlug
nadat hy aan die seksuele molestering van 'n meisie skuldig bevind is. |
| Die Kanadese hof het Robinson in Desember 1996
in sy afwesigheid gevonnis - en dit is presies die rede waarom regters W.G.
Thring en P.Dlodlo verlede maand vir Robinson vrygelaat het. Die regters
het bevind dat 'n vonnis in afwesigheid neerkom op 'n ongrondwetlike
aantasting van Robinson se reg op 'n regverdige en billike verhoor en hat
hy gevolglik nie aan Kanada uitgelewer kan word nie. |
| De Kock sê in sy verklaring vonnis in
afwesigheid kan in geen omstandighede 'n aantasting van 'n aangeklaagde se
reg op 'n billike verhoor wees as hy doelbewus uit sy land vlug nadat hy
skuldig bevind is nie. |
| "Strafregtelike verrigtings sal in effek
verlam word as aangeklaagdes vlug pleks van om hul verhoor by te woon en
daarna boonop die 'voordele' van hul ontvlugting kry. 'n Aangeklaagde wat
tydens sy verhoor vlug, doen uitdruklik afstand van sy reg om by sy
verhoor teenwoordig te wees. |
| "Alle lande... |
| Hoofregter Arthur Chaskalson oorweeg nog die
appèlaansoek |
| |
| Bogenoemde is slegs
uittreksels uit die betrokke atrikel. Die volledige artikel kan by Beeld
gekry word. |
| * Kopiereg word deur
Beeld voorbehou |
Buy my eBook "
Survive your divorce financially" for only R250